HINDI MAKAKAUWI SI Tatay ngayong Linggo dahil nilagnat s'ya. Nagkaroon s'ya ng urinary tract infection at ang paliwanag ng doktor ay common ito sa mga bagong opera. At dahil sa edad n'ya ay hindi nakapagtataka. Ayaw man ni Tatay na magtigil sa hospital ay wala s'yang magagawa.
Dinadalhan ko ng pagkain at pamalit na damit si Nanay pati na ang ibang kailangan n'ya katulad ng sabon at shampoo. May sariling shower naman ang private room na pinili ni Jacob kaya nakakapaligo ang aking ina. S'yempre, pagdami ng amenities -- paglaki rin ng bill.
Nagtataka nga ako at wala pa akong narereceive na papel. Magkano na kaya ang total namin? Mamaya ay sasaglit ako sa billing at magtatanong.
"Anak, hindi pa pala makakauwi ang Tatay mo. Dagdag araw na naman dito sa hospital. Iniisip ko kung saan tayo ku
