"MISUKE?"
Napalingon siya sa lalaking tumawag sa kanya. "Genji? Anong ginagawa mo rito?"
"Hindi ba dapat ako ang magtanong niyan?"
"May dinalaw lang akong kaibigan," palusot niya. "Eh, ikaw?"
"Dito naka-confine si Daddy kaya dinalaw ko."
"Bakit, anong nangyari kay Tito Hideo?"
"Nabaril siya. Hindi pa namin alam kung sino ang may gawa no'n sa kanya."
"Nabaril?"
"Ano'ng ginagawa mo rito?" malamig tanong ng isang pamilyar na boses ng babae.
Hindi niya naituloy ang kanyang sasabihin kay Genji nang makita ang kararating lang na si Nagara. Mukhang kagagaling lang din nito sa eskwela dahil nakauniporme pa ito. Mukhang hindi pa nito alam ang nangyari sa kapatid nito.
"Nagara, ikaw na muna'ng bahala kay Daddy. Babalik na lang ako bukas," wika ni Genji rito.
"Sige. Ako na'ng bahala sa kan
