Day before Graduation...
"GIRL, graduation na natin bukas pero mukhang wala pa rin akong nakikitang progress sa inyo ni Kenji. Hindi pa ba kayo?" naiinip na tanong ni Aya habang palabas sila ng campus. Maagang natapos ang kanilang practice at pinayagan na sila ng kanilang principal na umuwi nang maaga para makapag-prepare.
"Ha? Anong kami? Hindi naman nanliligaw sa akin si Kenji," sagot niya, pero lihim siyang nalungkot nang maisip iyon. Kung may gusto si Kenji sa kanya tulad ng sinasabi ni Yamiko, bakit hindi pa rin ito nanliligaw sa kanya? Ni hindi niya maramdamang may gusto ito sa kanya. Tatlong araw na simula nang mangyari ang insidenteng iyon; hindi pa rin sila nagkikita at nagkakausap.
"Naku naman! Napakatorpe naman ni Kenji," saad ni Yuriko.
"Hayaan na muna natin. Malay mo, baka
