STUCK WITH ME

Chapter Three

NAG-ALALANG kaagad na nagtungo si Jane sa St. Francis General Hospital matapos makatanggap ng tawag sa isang isang police officer. Ayon sa pulis ay naaksidente ang kapatid niyang si Janine. Bumangga sa sinusundang kotse ang kotse ni Janine matapos banggain ng nakasunod ditong sasakyan.

          Conscious at nasa loob ng isang cubicle sa Emergency Room si Janine nang dumating si Jane. Kasama ng kapatid niya ang isang doctor at isang nurse, at nilalagyan ng doktor ng cast ang kaliwang braso ni Janine. Ayon sa doktor ay ligtas naman ang kapatid niya. Negative ang resulta ng mga tests na isinagawa rito subalit nagkaroon ito ng maliit na sugat sa ulo, mga pasa at galos sa katawan.

Nakahinga nang maluwag si Jane at nagpasalamat sa Diyos sa nalaman. Gayumpaman ay kailangan pa rin i-admit si Jane para obserbahan.  

Nailipat na hospital suite si Janine at nagpapahinga nang dumating si Paolo kasama si Anthony. Janine and Anthony were close. Parehong sa iisang medical school nag-aaral ang dalawa. She was glad they came even she didn’t phone them. Marahil ay si BJ ang nagbalita kina Paolo at Anthony dahil ito lang naman ang tinawagan niya kanina at inutusan na rin na magbalita sa mga magulang nila ng nangyari kay Janine. Nasa resort din nila sa Palawan si Justin at nagbabakasyon.

Nang ngitian si Jane ni Paolo ay hindi na niya napigilan ang sarili na yumakap sa nobyo. Hindi niya alam na nakabalik na pala ito mula sa Cebu. Niyaya niya itong lumabas upang makapag-usap sila.  

“I’m really sorry, Jane,” sabi ni Paolo nang makaupo sila sa sofa ng deserted reception area ng palapag na iyon. “I don’t know what happened to me that night, it’s just …” Napabuntong–hininga muna ito bago nagpatuloy. “Promise, hindi na talaga ‘yon mauulit. I’ve missed you, nahihirapan na talaga ako sa pambabale-wala mo sa akin. Please forgive me.”

Pigil na pigil ang ngiti sa mga labi ni Jane habang pinagmamasdan si Paolo. He was so cute. Ang amo ng mukha nito na tulad ng isang angel. Naniniwala siyang sincere ang kanyang nobyo sa paghingi ng tawad at hindi na talaga ito uulit.

“Okay, you’re forgiven,” nakangiting deklara niya.

“Talaga?” tila hindi makapaniwalang sabi pa ni Paolo.

“Oo sabi.”

“Yes! Yes! I love you so much, honey.” Mabilis siya nitong niyakap. Gumanti rin siya nang mas mahigpit na yakap.

“I love you, too. I’ve missed you,” pag-amin niya.

“I’ve missed you more.”

Nang magbitiw sila ay inangkin ni Paolo ang mga labi ni Jane. Kaagad namang tumugon si Jane sa halik. Masaya pa silang lumabas ng ospital upang bumili ng pagkain at inumin bago nagbalik sa hospital suite ni Janine.

“REALLY, si Anthony at Janine na?” amused na sabi ni Kate nang ikuwento rito ni Jane ang nalaman nila ni Paolo tungkol sa kanilang mga kapatid.

          It was Friday. Hindi pumasok sa trabaho si Jane at sinamahang mag-shopping si Kate ng maternity dress at ilang gamit ng magiging pamangkin niya. Almost five months na ang ipinagbubuntis ng cousin-in-law niya.

          “Yes, magkasamang silang nagtapat sa amin ni Paolo kagabi lang. Nagulat nga kami. Hindi namin alam na nagkaka-developan na pala ang mga kapatid namin,” kuwento pa niya habang tinutulak ang pushcart na naglalaman ng mga nagustuhang baby dresses ni Kate.

          “Eh, ‘di ba nga pagkatapos maaksidente ni Janine hatid-sundo na siya ni Anthony sa ospital at sa university. Baka dati na silang nagkakagustuhan, ngayon lang nila inamin.”

          “I think so.”                           

          “And how do you feel about it? Ano’ng sabi ni Paolo?” tanong pa ni Kate.

          Napahinto si Jane nang huminto si Kate at kinuha sa rack ang isang cute na pink jumper na naka-hanger - na marahil ay kasya na sa isang taong gulang na bata - at inusisa ang pagkakatahi.

          “Of course, we were happy for them. Sinabihan lang ni Paolo si Anthony na huwag magkakamaling saktan o lokohin si Janine dahil malamang pati kami ay madadamay sa problema nila.”

          “Malamang nga,” sabi ni Kate. Inilagay nito ang hawak na pink jumper sa pushcart at humarap sa kanya. “Kung magkakataon pala, hindi lang kayo ni Paolo ang magtutuloy sa love story ng mga magulang n’yo, pati rin pala sina Janine at Anthony,” bakas ang excited sa mukha na sabi nito.

          “Oo nga, eh,” nangingiting pagsang-ayon ni Jane. Her mother and Paolo’s father were proved that old lovers can be good friends.

          Hindi lang simpleng magkakabarkada noon ang mga magulang nila. Tita Kim, Kate’s mother and Jane’s late Uncle Jason, Kuya Jay-Jay’s father, used to be lovers and got engaged. Ngunit nasawi si Uncle Jason bago pa man maikasal kay Tita Kim. Eight years naman ang itinagal ng relasyon ng ina ni Jean at ama ni Paolo na si Tito Vincent, at nagpaplano na ring magpakasal nang paglaruan ng tadhana. It was actually a sad love story that only happened on TV dramas and in the movies.

          Nagtungo sa resort nila sa Palawan si Uncle Jason, ang daddy ni Kate na si Tito Kurt at si Tito Vincent, para doon mag-celebrate ng birthday. Kasama rin sana doon sina Mommy Jean, Tita Kim at iba pang kaibigan ng mga ito ngunit dahil sa trabaho ay hindi nakasama. Habang nasa gitna ng karagatan ay tinambangan ng mga tulisan ang motorboat na inasakyan nila. Nanlaban sila dahilan upang mabaril at mahulog sa dagat si Tito Vincent. Nabaril din si Uncle Jason at Tito Kurt. Pinakiusapan lang ni Tito Kurt ang mga tulisan na huwag silang patayin kaya iniwan silang buhay pa pagkatapos pagnakawan. Ngunit hindi rin nakaligtas si Uncle Jason,  dead on arrival ito sa ospital at halos wala na ring buhay noon si Tito Kurt nang makarating sa ospital. Nang hindi na makita ang katawan ni Tito Vincent, inakala ng lahat na patay na ito. Subalit makalipas ang isang taon ay natuklasan na buhay pa pala ito at nagka-amnesia. Subalit asawa na ni Tito Vincent si Tita Toni na mommy ni Paolo at nagdadalang-tao na.

          Nang matuklasan na buhay pa pala si Tito Vincent ay unti-unti pa lang bumabalik ang alaala nito. Ipinaglaban ni Mommy Jean ang pag-ibig nito kay Tito Vincent pero sa huli ay pinili ng lalaki si Tita Toni at ang magiging anak ng mga ito na si Paolo. To mend a broken heart, sumama si Mommy Jean kay Francis-na naging ninong ni Jane – na isa ring doktor sa Seattle at doon nag-practice ng medisina nang ilang taon. Doon na rin nakilala ni Mommy Jean ang napang-asawa.  At makalipas ang ilang taon, dahil nakapag-move on na at happily married na rin ang dalawa at iisang set lang ng mga kaibigan sina Mommy Jean at Tito Vincent, muling naging magkaibigan ang mga ito.

          Nalaman nila ang kuwentong iyon nang maging magnobyo sina Jane at Paolo at naungkat ang nakaraan na ikinagulat nila. Naging very supportive ang lahat sa relasyon nila at tinukso pa sila nina Tita Kim na sila ni Paolo ang magtutuloy sa love story ng mga magulang nila.

          “Nadagdagan na naman pala ang nagkaibigan sa barkada natin.”

          “Sinabi mo pa.” Itinulak na ni Jane ang pushcart. Nangingiting nagbalik sa alaala niya kung paano sila nagkaibigan ni Paolo.

          “Why me? Ang daming ibang magagandang babae diyan, Paolo. Huwag na ako ang pag-interesan mo,” kunwari ay pagtataboy ni Jane nang biglang i-prisinta ni Paolo ang sarili bilang manliligaw niya.

          “Pero ikaw ang gusto ko, Jane. No, actually in love na ako sa ‘yo. Please huwag mo naman akong itaboy. Hayaan mong ipakita ko sa ‘yo kung gaano kita kamahal at kung gaano ako ka-sincere sa ‘yo.”

          “But we’re friends, Paolo. Alam mo ba ang consequences ng sinasabi mo?”     “Of course. Advantage pa nga na matagal na nating kilala ang isa’t-isa, eh. I’m sure magki-click tayo as lovers,” confident na sabi pa nito.

          Matagal na ring may lihim na crush si Jane kay Paolo. He was someone that every woman would love to introduce to their parents and friends because of his good qualities. Una niyang hinangaan ang binata noong nalaman niyang nag-quit ito bilang varsity basketball player kahit asset ito ng team nito noong third year college ito sa kursong Architecture upang makapag-focus nang husto sa pag-aaral. Attracted kasi siya sa mga lalaking may ambisyon at alam ang gustong gawin sa buhay. And then she witnessed how he loved his ex-girlfriends and treated them like a queen. Kaya naman nang magtapos ang relasyon nito sa pinakahuling naging girlfriend nito bago siya, lihim siyang humiling na siya naman ang mapansin nito. Same league kasi niya ang mga babaeng nagugustuhan ni Paolo. Na hindi niya akalain na magkakatotoo pala.

          Naging masigasig si Paolo sa panliligaw sa kanya. Nagma-masteral siya noon, studious, old-fashioned at very conservative. Sa tuwing lumalabas sila, hindi maaring hindi siya mailang sa mga ipinupukol na tingin sa kanila ng mga tao. Obviously, nagtataka ang mga ito kung bakit isang mukhang librarian ang kasama ng isang handsome at hunk na tulad ni Paolo.

          Iyon ang dahilan kung bakit nakumbinsi siya nina Trisha at Kate ay na mag-makeover at ilabas ang mga curves niya sa katawan. In love na siya noon kay Paolo at gusto niyang maging karapat-dapat dito. Kaya nang umuwi si Paolo pagkatapos ng ilang linggong pananatili nito sa site ng construction project nito ay gulat na gulat ang binata sa bagong hitsura niya. At first, hindi nito iyon nagustuhan dahil nagkaroon ito ng mga karibal sa kanya. Bigla kasi siyang pinutakti ng mga manliligaw nang biglang magbago ang pananamit niya. Nakampante lang si Paolo nang makalipas ang dalawang linggo ay sinagot na niya ito.

          Ilang sandali pa silang nag-ikot-ikot, nang mapagod si Kate ay pumila na sila sa cashier.

          “Bibilhin mo talaga ang lahat ng mga ‘yan kahit hindi mo pa alam ang gender ng pamangkin ko?” nanlalaki ang mga matang bulalas ni Jane habang inaayos ni Kate ang laman ng pushcart.

          “So what? Itatabi ko na lang muna just in case na maging boy ang baby namin ni Jay-Jay. I really like these, Jane, kaya huwag ka na lang kumontra, okay?”

          Bago pa siya makasagot ay tumunog ang kanyang cell phone. Nang makita sa screen na ang pinsan niya ang tumatawag ay kaagad niya iyong sinagot. “Kuya?”  

          “Where’s my wife? Hindi n’ya sinasagot ang phone n’ya.”

          “Nakapila kami sa cashier. Pagsabihan mo nga ‘tong asawa mo, Kuya. Gusto ba naman n’yang bilhin ang mga damit ng baby kahit hindi pa naman kailangan,” pagsusumbong niya.  

          Natawa si Jay-Jay sa kabilang linya. “Pabayaan mo na lang si Kate, Jane. Kung alam mo lang kung ilang dosenang mga damit ng baby ang nabili namin. Mayroon na nga rin kaming mga toys for boys and girls, eh,” nagmamalaking pagkukuwento pa nito.

          Napailing siya sa narinig. “Kaya pala, pareho lang pala kayo, eh. Kate is here, siya na lang ang kausapin mo,” aniya at ipinasa ang cell phone kay Kate. Siya na ang nagbayad sa cashier gamit ang credit card ni Kuya Jay-Jay.