"Daddy! I miss You!" saad ng bata habang nakatingala kay Kier at nagpapakarga pa. Tumingin sa amin si Kier na naguguluhan lalo na kay Keira na titig na titig sa bata.
"Daddy! Karga!" hiling pa ng bata habang nakataas ang mga kamay.
"Harry! 'Diba sabi ko sa 'yo dito mo na lang sa loob hintayin ang daddy mo?" pasigaw na sabi ni Cristina galing sa loob ng sarili kong mansion. Mukhang pagkarating namin sa bakasyon ay marami rin silang surpresang inihanda sa amin.
"Ow... Nandito na pala ang mga bakasyunista?" Bungad nito sa akin.
"Hep! Hep! Cristina, huwag ka dito mag-iskandalo!" Si Ana na kaagad humarang sa amin ni Cristina.
"Excuse me?" Maarteng sabi ni Cristina habang nakataas ang kilay nito kay Ana.
"Cristina, ano na naman ba 'to?" Tila pagod ng saad ni Kier. Hindi pinapansin ang bat
