Tinitingnan ni Austin si Thunder habang nakaupo na ito ngayon sa kanyang upuan. Nasa loob na sila ngayon ng opisina ng huli.
Pinipilit naman ni Thunder na hindi mapatingin kay Austin na ramdam niya ulit na nakatingin sa kanya at kunwari ay busy ito sa pagta-type ng kung ano sa kaharap nitong laptop. Walang ekspresyon na mababanaag sa mukha niya para hindi siya mahalatang apektado siya sa pagtingin nito sa kanya.
Hindi naman natitinag si Austin. Naging titig na nga ang pagtingin niya kay Thunder. Sa totoo lang, kanina pa siya may gustong itanong sa binata ngunit hindi naman niya maitanong-tanong dahil bukod sa nakakaramdam siya ng hiya, nauunahan rin siya ng pagiging nega. Baka kasi hindi niya magustuhan ang isasagot nito oras na itanong na niya ang mahiwagang tanong na gusto niyang itano
