Wala silang kibuan nang ihatid niya ang mag-iina sa bahay ng mga ito. Nang nagpaalam sa kanya ang mga bata ay hindi na niya nakita pa si Cameron. Balak sana niya itong katukin sa kuwarto nito ay pinigilan niya ang sarili.
Napabuntong-hininga siya bago binuksan ang makina ng kotse. Kanina nang umiyak ito ay wala man lang siyang nasabi. Dahil ang totoo lang ay hindi niya alam ang sasabihin. Syempre, ayaw niyang mahiwalay ang kambal kay Cameron. Napatunayan nito ang pagiging mabuting ina sa kanilang mga anak. Ngunit alam din niya sa kanyang sarili na hindi niya kayang mawalay sa kanyang mga anak. Hindi option para sa kanya na iwan ang mga ito.
Sinubukan niyang tawagan si Louise upang alamin kung nakauwi na ito. Higit kanino man, ito ang tanging tao na kaya niyang sabihin ng kaniyan
