"Lou..." tawag niya sa kaibigan at hinawakan ito sa braso kaya naman napadilat ito at tumingin sa kanya. "Please, tell me what you know."
Pagkatapos siyang titigan nito nang ilang sandali ay bumuntong-hininga ito at bumangon. Iniharap nito ang katawan sa kanya bago hinawakan ang dalawang kamay niya.
"Sis, alam mo noon at ngayon kung gaano kita kamahal, hindi ba?" Tumango naman siya. "Alam kong gusto mo si Renz at sino ako para magsabi nang hindi maganda laban sa kanya, di ba? Gusto kong ikaw ang makaalam nun," hinawakan nito ang mukha niya. "Kung aayawan mo ang isang tao, hindi dahil sinabi ng kung sino. Dapat mismo ikaw ang makadiskubre nun. Pero isa lang ang sigurado ko....kapag ginawaan ka niya ng hindi maganda, sisirain ko ang guwapo niyang mukha. Mark my word, Cam," walang
