Iniuntog niya ang ulo sa pader pagkapasok ng kuwarto matapos ihatid sa sarili nitong silid si Cameron. Uulitin sana niya ang pag-untog sa sarili ngunit naisip niyang baka katukin siya ni Cameron kapag nakagawa siya ng ingay. Kaya naman hinablot niya ang unan na nasa kama at kinagat iyon sabay sumigaw nang malakas. At least sa ganoong paraan, alam niyang walang lalabas na anumang ingay sa silid.
He almost kissed Cameron earlier! Hindi niya alam kung bakit biglang pumasok iyon sa isip niya nang makitang umiiyak ito. Nagulat pa ito nang bigla niyang naitulak palayo nang bigla siyang matauhan. Mabuti na lang at hindi iyon mataas at may nakaharang sa likuran nito kaya hindi nalalaglag sa sofa.
"Mason?" Takang-takang tanong nito sa kanya. Nanlalaki ang mga mata nito dahil sa gulat.
