"Ano'ng ginagawa mo rito?" kunwa'y pagalit na tanong ni James kay Chloe. "Ayaw mo na akong makita, 'di ba? Nakakainis 'tong mukha ko, 'di ba? Kaya ano ang ginagawa mo rito ngayon? Nandito ka ba pa para sabihin sa akin kung gaano na ako kapangit ngayon? 'Yon ba ang ipinunta mo rito?"
Siguro nagtaka ito dahil hapon na pero ni anino niya ay hindi pa nito nakikita gayong lagi itong nakatambay sa terrace ng bahay nito na kalapit lang ng kubo niya.
"May sakit ka ba?" sa halip ay tanong nito at pagkatapos ay sinalat nito ang noo niya.
No'ng sinabi kasi nito na 'wag na 'wag na raw niya itong lalapitan ay bahagya siyang nasaktan.
Kaya naman kahit umuulan ay nagtatrabaho siya sa bukid para lang hindi siya mag-isip nang mag-isip.
Ilang araw niya ring ginawa 'yon kaya heto siya ngayon, masakit a
