Magkahalong takot at saya ang nararamdaman ngayon ni Chloe.
Masaya siya dahil sa wakas ay inamin na ni James na mahal siya nito.
Natatakot naman siya dahil hindi niya alam kung hanggang kailan kaya siya nito mamahalin.
Hanggang wakas na kaya? Sila na nga kaya hanggang sa huli? 'Yan ang mga tanong na gumugulo sa isip niya.
"James," untag niya sa lalaking katabi niya. Medyo malalim na ang gabi pero hanggang ngayon ay dilat na dilat pa rin ang mga mata nila.
Nakahiga sila ngayon sa inilatag nitong picnic mat habang pinagmamasdan nila ang mga bituin sa langit.
Kagaya nga ng sinabi nito kanina ay mananatili sila rito sa tabi ng ilog sa buong magdamag.
"You're aware that you're my first boyfriend, right?" panimula niya.
"I'm aware of that."
"Alam mo naman na wala pa akong alam sa pa
