"Bakit ba hindi ka tumitigil sa kaiiyak? Ano ba ang nangyayari sayo? Sa simbahan pa lang umiiyak ka na. Ngayon na nakauwi na tayo umiiyak ka pa rin. What's wrong?" inis na tanong ni Chloe kay James.
"Masaya lang ako, Baby," tugon niya sa maganda niyang asawa.
Katatapos lang kasi ng kasal nilang dalawa ni Chloe. Kanina no'ng nasa simbahan sila ay naalala niya ang mga pinagdaanan nila.
Kung paano sila nag-umpisa at kung paano rin natapos ang lahat.
Pinipigilan niya naman ang sarili niya na hindi maiyak kaya lang hindi niya talaga magawa.
Hindi rin siya nahihiya na nakikita siya ng mga tao sa ganitong sitwasyon.
"Tumigil ka na sa kaiiyak dahil nakakahiya sa mga bisita natin. 'Yong mga anak mo kanina pa ako tinatanong kung bakit umiiyak ka. Baka mamaya isipin pa nila na inaaway kita
