OO, hindi nagustuhan ni Dion ang ibinalita sa kaniya ni Skyler. Hindi niya rin gusto ang dahilan na kaya hindi man lang iyon naisip nito dahil nangibabaw ang kagustuhan nitong mapalapit kay Erena.
Hindi nga nito naaalala ang babaeng iyon, pero iyon pa rin naman ang laman ng puso at isip nito.
Lumabas siya matapos nang pag-uusap na iyon nilang tatlo. Siguro, magpapalamig na lang muna siya ng ulo.
Sa malapit na convenient store ay hininto niya ang kotse. Pumasok siya sa loob at bumili ng isang pack ng sigarilyo.
"Wala po ba kayong barya, Ma'am?" anang cashier.
At ngayon, halos lahat na lang yata ay ikaiinit pa ng ulo niya.
"Mukha bang mayroon?" sabi niya.
Bahagya pang nagulat ang cashier, ngunit hindi gaano kumibo, bagkus ay inilagay sa kaha ang pera at naghanap ng barya roon.
"Sor
