NAPAWI kahit papaano ang kaba niya nang sumingit na si Kelsey. Nagkatinginan pa sila, hindi niya inaasahan, ngunit ismid lamang ang natanggap niya rito, tila sinasabing hindi siya nito tinutulungan kahit na tulong naman talaga iyon kung titignan.
"I think the five of us should sit now, let's get to know each other while we are having our food," anang pa ni Kelsey. "I heard, hindi pa kumakain ang mga taga-pagligtas ni Erena."
Natawa ang mga nasa lamesa. Natawa na lang din siya nang peke, para hindi maging ganoon kahina hinala para sa mga ito.
Pasimple niyang sinenyasan ang tatlo.
Pinanlakihan ni pa nang mata si Dion nang hindi kaagad sumunod nang makaupo na silang tatlo nila John at Skyler.
Sumunod naman ito kahit na magkakrus pa ang braso kanina, padabog, hindi alintana kung sino an
