DUMATING na ang araw na pinakahihintay ng lahat. Kinulang man sa oras para paghandaan iyon, naging marangya pa rin ang selebrasiyon para sa kaarawan niya, ni Erena.
Tapos na siyang ayusan at bihisan ng stylist, ngunit nas pinili niyang hindi muna bumaba. Nasa itaas siya ng balkonahe ng mansiyon, pinapanood ang unti-unting pagdating ng mga bisita.
Alas-otso pa lamang ng gabi, isang oras na lang, sisimulan na ang party, ibababa na siya at opisiyal na ipakikilala sa lahat bilang bagong anak ng mag-asawang Lopez.
Kinakabahan siya. Sobra. Hindi niya yata kayang harapin ang may dahilan ng lahat, kung bakit siya narito; ang head ng mga ito.
"You seemed unwell, huh?" si Kelsey iyon na tumabi sa kaniya mula sa balkonahe, nakikitanaw sa malaking living room kung saan patuloy ang pag-apaw ng mga
