Abala ang buong klase sa group activity para sa first subject nang makapasok ako ng room. Uupo na sana ako sa armchair ngunit mabilis akong tinawag ni Carrie at sinabi sa akin na ako raw ang presenter ng grupo namin.
“Pwedeng tumanggi?”
Nagsalubong ang kaniyang kilay habang inaalis sa rolyo ang cartolina. Umiling siya at pinulot ang pentlepen sa armrest ng kaniyang kinauupuan.
“Huh? Eh ano magiging ambag mo? Para din sa’yo ‘to.”
Napatango-tango ako at walang nagawa. Kakayanin ko bang mag-present nito nang maayos? Willing naman ako kung nasa huwisyo ako ngunit nararamdaman ko sa sarili ko na hindi ako prepared para rito. Paano kung ma-mental block ako mamaya? Hindi lang grade ko ang nakasalalay dito. Grade din ng mga kagrupo ko.
Nais ko rin naman sana tumulong sa ibang p
