“G-good morning, Ma’am,” mahina kong bati nang makarating ako sa harap niya. Mangilan-ngilan pa lang ang mga teacher dito sa loob ng faculty. Ang iba siguro’y papunta pa lang, ang iba’y maaaring nasa classroom na.
Saglit akong sumilip sa bintana upang tingnan kung naroon pa sa labas si Jaguar. Naroon nga siya at may grupong kinakausap. Kaagad na napabalik ang tingin ko kay Ma’am nang sumagot na siya.
“What is it, Miss Cascayno?” Inayos niya ang pagkakasuot ng kaniyang eye glass sabay angat ng tingin sa akin. Sa puntong ito’y bahagyang nanginig ang tuhod ko sa kaba. Hindi ko ma-imagine na darating ang araw na ipapatawag ako nang ganito dahil sa sunod-sunod na bagsak.
“Ma’am, pinapatawag niyo raw po ako.”
“Buti naman at nagpakita ka? I just want to tell you how low your grad
