Chapter 34
Mabilis na tumayo si Elliot mula sa pwesto at agarang pinuntahan si Elysia patungong silungan nito. Ilang sandali lang ang tinagal at inabutan niya na nga roon ang dalaga. Inabutan pa ng prinsipe ang dalaga na nag aayos ng higaan at animo’y handa na para sa pagpapahinga. Hindi man niya nais guluhin ang prinsesa, hindi niya naman mapigilang mabagabag sa naunang pangyayari mula sa pulong. “Anong nangyari roon at ganoon na lang ang tinginan ninyo ni Aivan?” sambit ng prinsipe. Matagal tagal din bago sumagot ang kapatid nito. Ani ni Elysia, “Wala lamang iyon. Pagod na kasi ako at gusto ko na lang na magpahinga na Elliot. Maaari ba iyon?” “Hindi naman kaso iyon ngunit sigurado ka ba na walang problema, Elysia?” tugon ng prinsipe sa kasama. Turan ni Elysia, “Sigurado ako kaya kung
- Writer
