Pakiramdam ko ay para akong mabibingi sa sobrang lakas ng t***k ng puso ko na sumasabay sa unti-unting pagbilis ng tunog na nanggagaling kay Yza. Mahina lang iyon dahil natatakpan ng tunog ng umaandar na helicopter ang tunog niyon pero parang umaalingawngaw iyon sa mismong teng ko.
“King, it’s about to blow!” natatarantang sigaw ng isang tauhan ni King na nanginginig sa tabi niya habang mahigpit ang pagkakahawak sa kamay ni Yza para pigilin ito sa paggalaw. Kung hindi lang siguro siya takot sa amo niya ay mukhang kanina pa siya tumakbo para sagipin ang sarili niyang buhay.
Lahat kami na nakapalibot kay Alessandro ay tahimik lang na nanonood at tila tinulos sa kinatatayuan namin maliban na lang sa lalaking kalbo na parang hihimatayin habang nanonood kay Yza. Hindi ko alam kung sin
