Kanina ko pa nililibot ang tingin ko sa paligid pero hindi ko pa rin mahanap si Alessandro. Pagkatapos niyang sundan si Athena ay hindi na siya nakabalik sa amin. Kasalukuyan kaming nandito ngayon sa labas at nakikipaghalubilo sa ibang bisita. Mabuti na lang at kasama ko si Blake, Zeke at Isiah kaya kahit papaano ay hindi naman ako out of place sa mga tao.
“Are you okay?” tanong sa akin ni Blake nang mapansin ang pananahimik ko. Kanina pa sila naghaharutan ni Zeke kaya hinayaan ko na lang. Tsaka, Hindi naman kami masyadong close ni Zeke para mag-feeling close ako sa kanila. Baka mamaya ay isipin niyang sipsip ako.
Pilit akong gumiti sa kaniya. “Okay lang,” pagsisinungaling ko. Sa totoo lang ay nakakaramdam na ako ng antok. Napadami kasi ang kain ko kanina tapos dagdag pa na kakat
