Pinasok ng mga kawal sina Laxriel at Serene sa napakalaking bulwagan ng palasyo. Ang sahig ay gawa sa makinis na obsidian, kumikislap sa ilalim ng mga sulo na may apoy na bughaw. Ang bawat hakbang ng mga kawal ay kumakalabog, tila ba pinaparamdam kay Laxriel ang bigat ng bawat segundo.
Nakayakap pa rin siya sa walang malay na si Serene habang kinakaladkad, ang puso niya’y mabilis na tumitibok. Saan ba nila kami dinadala?! At bakit parang… ibang mundo ‘to?
“Advance Halloween prank lang ‘to,” mahina niyang bulong, pilit pinapakalma ang sarili. “Oo, may budget sila, may set design, may mga costume. Pero… bakit parang masyadong totoo?”
Biglang bumukas ang napakalaking pinto sa dulo ng bulwagan, at unti-unting lumantad ang isang trono. Doon, nakaupo ang isang pigura na may suot na koronang p
