NAALIMPUNGATAN si Olivia nang may yumugyog sa balikat niya.
"Ate, gising," mayamaya ay narinig din niya ang boses na iyon ng kapatid.
Dahan-dahan naman siyang nagmulat ng mga mata. At agad na nakita niya ang kapatid na nakatunghay sa kanya. Kinusot-kusot naman niya ang mga mata. "Oh, Oliver. Bakit?" tanong ni Olivia dito sa medyo groggy na boses.
"Hindi ka papasok sa kapitolyo?" tanong nito sa kanya.
"Anong oras na ba?" tanong naman niya.
"Six thirty na, Ate," sagot nito.
Napabalikwas naman si Olivia mula sa pagkakahiga niya ng marinig niya ang oras na sinabi ni Oliver sa kanya. Hindi nga din niya napigilan na mapatingin sa alarm clock na nakapatong sa ibabaw ng bedside table para tingnan ang oras. At nakita nga niyang lagpas alas sais na ng umaga.
"Hindi pa ako nakakapagluto
