ONE WEEK LATER...
LINGGO ng araw na iyon. At papunta si Olivia at Oliver sa simbahan para magsimba. Routine na nilang dalawa ni Oliver ang magsimba tuwing linggo. Bonding na din nilang dalawa iyon.
At nang hininto ng driver ang tricycle na sinasakyan nila sa simbahan ay kumuha siya ng pera sa wallet pambayad niya dito. Pero bago pa niya iyon maabot sa driver ay inunahan na siya ng kapatid.
Gusto sana niyang pigilan si Oliver dahil alam niyang wala itong pera dahil hindi pa naman ito sumasahod sa pinagta-trabahuan nito. Isang linggo pa lang kasing nagta-trabaho ang kapatid niya sa isang fastfood chain at hindi pa ito sumasahod pero hindi na niya napigilan dahil inabot na nito sa driver ang bayad nila.
"Manong, bayad po," wika ni Oliver sa driver.
Ibinalik na lang ni Olivia ang pera
