SI OLIVIA ang naghatid kay Argos sa school ngayon araw. Hindi na niya ito isinabay kay Oliver dahil may pupuntahan din siya ngayo. Pupunta kasi siya sa Mall para bumili ng idagdag niya sa store niya. Bibili na din siya ng mga kailangan nila sa bahay.
"Argos, makinig ka sa teacher mo, ha," bilin ni Olivia sa anak nang makarating na silang dalawa sa school nito.
"Opo, Mama," magalang na sagot naman nito sa kanya.
"At ano ang laging bilin ko sa 'yo?" tanong niya dito.
"Huwag po akong sasama sa strangers po, Mama," sagot nito sa kanya.
"At?"
"At hintayin ko po ang pagdating niyo para sunduin ako," dagdag pa na sagot nito.
Hindi naman niya napigilan ang pagsilay ng ngiti sa kanyang labi. "Very good," wika niya.
"Hmm...sige. Pasok ka na sa loob," sabi naman niya.
"Ba-bye po, Mam
