NAG-ANGAT ng tingin si Olivia nang makarinig siya ng mga yabag palapit sa kinaroroonan niya. At ganoon na lang ang pamimilog ng kanyang mga mata nang makita niya kung sino ang naglalakad patungo sa opisina ni Gov. Alexis.
Si Congressman Cortez--ang ama mismo ni Gov. Nang makita niya ito ay agad siyang tumayo mula sa pagkakaupo niya. Hindi niya inaasahan na makikita niya ang congressman ngayong araw dahil wala namang sinabi si Gov sa kanya. Wala din sa schedule nito na bibisita ang ama nito sa opisina nito sa kapitilyo.
"Good morning po, Gov," bati ni Olivia kay congressman ng tuluyang makalapit ang mga ito sa gawi niya.
"Good morning," bati din ni Congressman sa kanya. At mayamaya ay tumagos ang tingin niya sa likod nito.
At pinagdikit niya ang ibabang labi nang makita niya ang bab
