Nagpatuloy kami ni Kidd sa ganoong set-up. Nagpupunta siya sa unit at madalas ay doon na rin matutulog, saka lang ito aalis bandang alas singko ng umaga, sa oras kung saan tulog pa ako.
Kaya magigising na lang ako na wala na siya sa tabi ko, katulad noong unang nangyari. Hindi ko lang alam kung anong klaseng paliwanag ang sinasabi nitong palusot sa kaniyang ina na hindi siya napapagalitan.
May parte rin sa akin na gusto nang matapos ito, na sana bumilis ang pag-inog ng mundo, na sana ay mabuntis na ako kaagad. Para ganoon lang din kadali sa akin na makalimutan siya.
Ngunit mas nananaig sa puso ko na sana ay huwag nang matapos ito. Iba iyong pakiramdam ko kapag nariyan ang presensya niya, buhay na buhay ako at sa edad kong ito, hinahangad ko na sana ay humaba pa ang buhay ko.
Nang sa ga
