"Oo, sinabi ko na 'di ba?" Simple itong umirap, hindi tuloy maiwasan na mag-materialize sa harapan ko ang mukha ng kaibigan kong si Olivia.
Si Doc. Sydney ay mas bata sa akin ng limang taon ngunit siya ay may asawa at mga anak na. Hindi ko masabing magkaibigan kami, siguro ay magkasundo lang kami dahil malapit ang edad namin.
Thankful pa rin ako na isa siya sa mga katrabaho ko na naniniwala sa akin, kaya kahit papaano ay magaan ang loob ko sa kaniya na nagagawa kong sakyan ang pakikipagbiruan nito.
"Sino ba kasing inaasahan mong nasa labas? Si Kidd?" pang-aasar nito dahilan para mabilis kong buksan ang pintuan sa opisina ko at dali-daling pumasok doon.
Hindi ko lang ito magawang sabunutan, o saktan, katulad ng parating ginagawa ko kay Olivia. Pabirong inismiran ko si Doc. Sydney, bago
