"Ninang..." Dinig kong pagtawag ni Jasmin nang makalabas kami sa Admissions Office. "Nakita mo iyong lalaki kanina? Iyong tinawag kong Kidd?"
Sa sinabi niya ay doon ko lang siya nilingon, patuloy pa rin kaming naglalakad at napahinto lang nang nasa tapat na kami ng sasakyan ko. Nakita ko pang namumula ang pisngi ni Jasmin.
"Bakit? Anong mayroon sa kaniya?" tanong ko na hindi maiwasang maintriga sa kung paano kuminang ang mga mata nito na para bang kinikilig.
"Siya kasi iyong tinutukoy ko sa 'yo na crush ko, 'yung umamin sa akin na crush niya rin ako."
Wala sa sariling napatitig ako kay Jasmin, umawang pa ang labi ko nang mas lalo akong hindi makahinga sa sinabi niya. Gusto kong magsalita ngunit para akong naputulan ng dila.
Gusto kong tanungin kung paano nangyari? Saka ko lang na-real
