Sandali pang nilingon ni August si Kidd, ganoon din si Kidd na hanggang ngayon ay wala pa ring emosyon ang mukha niya. May problema ba siya? Kabibisita ko lang naman sa mama niya at okay naman ito kanina.
Hindi pa nagtagal nang tuluyan nang umalis si August. Doon ay napatitig ako sa mukha ni Kidd, pilit kong hinahanap kung anong mali. May nagawa ba ako kagabi na ayaw niya?
Kulang na lang ay magbuhol ang utak ko sa kaiisip, pero wala lang talaga akong maisip na dahilan. Tumikhim ako para sana magsalita ulit ngunit naunahan na ako nito.
"Binisita ko lang si Mama. Uuwi na rin ako," aniya at saka pa walang sabi-sabing nilampasan ako.
Umawang ang labi ko, hindi ko na nagawang makapagsalita dahil sa pagiging cold niya. Ibig sabihin ay may nagawa nga ako? f**k, alin ba roon? Saan ako nagkamal
