"Siguro ay pagod ka pa dahil galing ka sa biyahe, Ismael," pagpansin ni Papa Rodolfo sa katabi kong asawa.
Kanina pa kasi siya nakasandal sa balikat ko at kaunting kaunti na lang ay makakatulog na yata. Kahit hindi naman siya nakainom ng alak katulad ng mga kaibigan niya na mga lasing na lasing na nakatulog sa aming sofa.
Dahil sa pagpansin na iyon ni Papa Rodolfo ay inaantok na napaangat naman ng ulo si Ismael. Malawak na napahikab pa siya at bahagya na napakusot ng kanyang mga mata na tila pinipilit ang sarili na manatiling gising.
"Mas mabuti pa na umakyat na kayo ni Cathy sa kwarto niyo. Kami na lang ang bahala sa pag-aayos dito sa baba." pagbo-boluntaryo naman ni mama nang mapansin ang pagod sa mukha ni Ismael, "Palagay ko ay kailangan na rin naman ni Cathy na magpahinga na. Anong
