Kinabukasan...
Naging laman ng mga balita ang ginawang pagpapahuli ni Ismael kay Amanda at ang patung patong na kaso na isinampa niya laban sa babae. Mabilis na kumalat pa nga sa social media ang nakasimangot na litrato ni Amanda kung saan kinuhanan siya suot ang isang matingkad na orange na damit na may malaking letra na 'P' at may hawak hawak na placard.
"Ha! Buti nga sa kanya!"
"Mabuti naman ay pinakulong na siya ni Mr. Alcazar."
"Oo nga eh. Akala ko ay pinalampas na lang ni Mr. Alcazar ang ginawa niya since they are childhood friends."
"Hindi ako makakapayag kung hahayaan lang ni Ismael Alcazar ang ginawa niya. Hindi kaya biro ang ginawa niya."
"Ako rin. Kung sa akin niya ginawa iyon ay baka matagal na siya nakulong 'no!"
"Pero sa lahat ba naman kasi ng bibiktimahin niya ay si I
