MAXI’s POV
Isang alanganing ngiti ang pumaskil sa aking mga labi nang makita kong kumaway si Ferdie sa aking direksyon.
Kung noon ay umaaliwalas ang buong paligid sa tuwing nakikita ko ang gwapong mukha ng aking hinahangaang lalaki, ngayon ay hindi ko alam kung paanong gagawing normal ang aking mga kilos sa harapan nito.
Nang mabasa ko ang ipinadala nitong text message kanina ay bigla akong kinabahan nang malamang gusto nitong makipagkita sa akin para pag-usapan ang tungkol sa fiancée nitong si Vanessa.
Hanggang ngayon ay hindi pa rin nawawala sa aking isipan ang sinabi ng aking boyfriend na si Jake tungkol sa babaeng pakakasalan ni Ferdie. Hindi nagiging tapat ang babae sa fiancé nito at hindi ko alam kung dapat ko bang sabihin iyon dito o hindi.
Ang plano ko sana ay kay Kuya David m
