MAXI’s POV
Nanlaki ang aking mga mata nang makita ang mga lamang pagkain ng ibinabang tray ng isang crew sa ibabaw ng inookupa naming mesa ng aking mga kaibigan dito sa loob ng cafeteria ng MV Retillon Imperia.
Ang kaibigan kong si Ruby ang nagpresinta na mag-order ng food para sa aming apat nina Devon at Aris dahil nauna itong bumaba sa buffet hall ng kinalululanan naming passenger ship.
Hindi ko inakalang ganito karaming pagkain ang o-order-in nito. Balak yata nitong kainin ang lahat ng pagkain na nasa menu.
Sa ibabaw ng tray ay naroon ang baked mac with garlic bread, tuna sandwich, at French fries and chicken poppers. Maliban doon ay bumalik pa ang parehong crew ng cafeteria para ilapag sa aming harapan ang lumpiang Shanghai platter kasama ang isang bagong tray na naglalaman ng pito
