MAXI’s POV
Hindi ko napigilang mamangha nang tuluyan na akong makapasok sa loob ng Owner’s Suite o ang Presidential Suite na inookupa ni Mother Dear dito sa loob ng pinakamalaking passenger ship ng aming company, ang MV Retillon Imperia.
Kumpleto sa amenities ang loob ng kwartong ito. Mula sa aking kinatatayuan ay kitang-kita ko ang private living room na may sofa at TV. Mayroon ding dining area na kasya para sa apat na katao.
Lumakad ako patungo sa isang bahagi ng kwarto at umupo sa bar stool sa harap ng counter ng mini-bar. Mula rito ay natatanaw ko ang balcony view.
Nakita ko ang nakasaradong pinto at sigurado akong naroon sa loob niyon ang queen bed na may luxury linens at isang en suite bathroom.
Maxi: Ang ganda rito sa loob ng room mo, Mother Dear! Suitable for a queen like you.
