Kinabukasan, pareho kaming walang pasok ni Madi sa kanya kanyang trabaho kaya nagpasya muna kaming mamasyal sa labas. Maganda ang panahon kaya sinamantala namin ito upang maglakad at maglibang sa mga tanawin na aming dinaraanan pati na ang pamimili sa mga paborito naming boutique. Isinabay ko na rin ang pamimili ng mga ilang gamit na pangdekorasyon sa bahay.
Pagkatapos mamili ay nagtungo kami sa cafe ni Megan. Kasalukuyan kaming naghihintay ng order nang mapukaw ang aming pansin mula sa isang pamilyar na boses,
"Chef Tessa!"
Ngumiti naman ang huli, "Ako nga. Kamusta yung cake?"
"Grabe, ang sarap ng pagkakagawa nitong cheesecake! Nababasa na kita sa mga food articles sa web and totoo nga, ang galing mong pastry chef!" kahit nakatalikod ang babae ay kitang kita na halos kiligin ito at ti
