Unti unting gumising ang aking diwa habang yakap ng mga bisig ni Adam. Ramdam ko ang bahagyang pag alon ng kanyang dibdib habang nakasandal ang aking ulo dito. Madilim at malamig pa sa labas kaya nanatili muna ako sa aking posisyon nang ilan pang minuto. Pagkatapos ng ilang sandali ay nagpasya na akong bumangon. Banayad ko syang hinalikan sa labi at saka tumayo mula sa aming kama.
Matapos mag ayos ng sarili ay nagtungo na ako sa kusina upang ipaghanda ng almusal ang aking asawa. Ganito na ang aking nakagawian tuwing umaga sa loob ng ilang linggo mula nang kami ay ikinasal.
Pagkatapos ng aming honeymoon ay bumalik kami sa aming payak na bahay kubo at dito nanirahan. Araw araw ay bumabyahe si Adam patungo sa kanyang kumpanya habang nananatili ako dito sa aming tahanan. Binabalanse ko ang s
