NAKABUSANGOT si Chloe na gumagawa ng sandwich habang nagtitimpla naman ng kape si Luke. Dinig pa nilang masayang nagkukwentuhan ang tatlo na mukhang pinagbubulungan sila ni Luke.
“Bakit lima ‘yan?” puna ni Chloe sa kapeng tinitimpla ni Luke.
“For us?” patanong sagot ni Luke dito.
“Siraulo ka ba talaga? Pakakapehin mo ang anak ko?” sikmat ni Chloe dito na napangisi.
“Relax, dude. Hindi naman kape itong isa. Hot choco ‘to,” sagot ni Luke na ikinanguso nito.
“Hindi pa rin kita gusto para sa anak ko.”
Napangisi si Luke na nagpatuloy sa pagtimpla ng kape at hindi na lamang sumagot para hindi sila magbangayan. Lalo na't maririnig sila ni Chelsea.
“Hindi niya ba ako namis? Hindi niya ako pinansin,” pasaring nito na ikinangisi ni Chloe dito.
“Mukhang hindi nga. Baka nga. . . nauntog
