Warren anak, mag-iingat ka sa biyahe ha? Isama mo na lang kaya si Mang Roberto para may kapalit ka kapag napagod sa pagmamaneho?" nag-aalalang tanong ni Mama sa akin.
Isang linggo na ang nakalilipas mula nang mailibing si Baby Angelo at isang linggo na ring wala si Althea sa tabi ko. Tinotoo ng Tatay niya ang sinabi nitong iuuwi ang anak pagkatapos ng libing ni Angelo, bagay na hindi ko napigilan kahit na anong pagmamakaawa ang ginawa ko.
Naiintindihan ko naman ang naging desisyon nila, ako naman ang may kasalanan kung bakit kami humantong sa ganitong sitwasyon kaya wala akong karapatan magreklamo. Inaabutan sila ni Mama ng pera bago sila umalis para sana sa pagpapagamot ni Althea pero tinotoo nila ang mga binitawang salita noong nagkaharap harap kami. Hindi nila iyon tinaggap, nun
