Naiinis na hinampas ko ng malakas ang manibela ng aking sasakyan. Pinuntahan ko ang condo unit ni Oliver, pero wala doon ang aking kaibigan. Ngayon ay parang bigla akong natauhan. Hindi ko pala talaga kaya na mag-isa, na walang kaibigan man lang.
Nag taas baba ang aking paghinga. Minabuti ko, na lamang na umuwi na muna pansamantala. Laglag ang balikat na umakyat ako patungo sa aking silid at pabagsak na humiga sa aking kama. Nakataas ang kamay na nakatitig lang ako sa kisame.
"Nasaan ka ba, Oliver? Hindi na ako badtrip sayo,” mahina na tanong ko na pabulong sa kawalan.
Maging ang ina nito, na si Aling Olivia, wala na rin sa tirahan nito. Halos isang taon lang naman ako nagtago sa kanila at umiwas, nag focus ako sa Davao, sa branch namin doon. Pagbalik ko, wala na ang mga tao na mahal
