Hawak ko ang address na nakasulat sa papel. Ilang araw ko na itong pinag-iisipan, kung pupuntahan ko ba sina Oliver at William o hindi. Dahil sa mga nakalipas na taon, disidido na akong burahin ang dalawa sa buhay ko. Tanging dahil kay Noah lang, kaya't may nag-uugnay pa sa amin.
Sa huli, nakapag desisyon ako na puntahan at personal na kausapin ang dalawa. Halos apat na oras ang biyahe ko papuntang probinsya. Kung saan naninirahan na ang buong pamilya ni Uncle Sancho.
Pagdating ko, sinalubong ako ni Pin. Hindi ko alam kung bakit mula sa malayo, napakunot ang noo ko. Nanghihina ako na napahawak sa braso ni Pin.
“S—Si Oliver na ba ‘yun?” tanong ko sa aking kaibigan na malungkot na tumango. Ang dati kong asawa at kaibigan, nakatali ang mahaba at kulot na buhok. Napakahaba ng balbas at b
