“Saan na tayo ngayon?” tanong ko kay William na taas balikat lang ang tanging sagot sa akin.
“Chibog tayo? Nagugutom na ako,” pag-aaya ko sa aking kaibigan na sumunod naman sa akin. Diretso kami sa baba, para kumuha ng plato. Catering ang pagkain, kaya't mabilis lang kami nakaupo.
“Hi William,” sabi ni Gail, ang babaeng kinaiinisan namin magkakaibigan. Lumapit pa ito sa tabi ni William at yumakap sa braso nito.
“What are you doing here sa gilid, para kayong mga gatecrashers,” maarte na sabi nito sa amin.
“Ikaw bakit ka nandito? Walang sosyalan dito, doon ka sa far far away,” nangingiti na sabi ko dito. Na inilingan ako ni William, na para bang sinasaway ako.
Medyo nagtaka naman ako, dahil hindi niya sinasaway ang babae ngayon o hindi man lang pinandidirihan. Taliwas sa madalas ni
