"ANONG sinabi ko sayo! H'wag mo sabing iistorbohin si Jude, hindi ba? Hindi ka pa nga nagtatagal sa trabaho mo ay lumalabas na agad ang buntot at sungay mo?" nanggagalaiting asik ni Adrian kay Tori. Nakapamewang ito habang umuusok ang ilong na nakatingin sa kaniya.
Nasa sala silang lahat kasama si Jude na prenteng nakaupo lang sa mahabang sofa katabi sina Cass at Wesley. Nakahalukipkip ang lalaki habang nakatingin sa kaniya. Nagmamasid. Ramdam na ramdam sa atmosphere ng bahay ang tensyon dahil sa nangyari.
Ito ang kinahantungan niya matapos ang nangyari kanina sa harapan ng kwarto ng binata. Agad na tinawagan ni Jude si Adrian at sinabi nito ang nangyari. Kitang kita niya ang galit sa mukha nito dahil sa walang permisong pagpasok niya sa kwarto ng binata dahilan upang magalit rin si Adri
