"Ganyan lang po sya palagi ma'am. Tulala lang at hindi man lang nagsasalita. Minsan iiyak, minsan naman parang nag gigitara kahit wala namang ibang hawak. Tapos minsan na din siyang nagsusulat sa ere."
Pinunasan ko ang luhang pumatak sa pisngi ko habang pinapanuod ko ang bestfriend ko na tulala lang sa mga bulaklak. Naka upo ito sa wheelchair habang nakasuot ng white gown. Maayos na ang buhok nito dahil sagana sa suklay ng private nurse niya na si Princess. Ang kausap ko. Siya ang na-hire ko na tagapag alaga ni Abby habang nandito siya sa facility at nag gagamot.
Humingi ng tulong sa akin ang lola niya upang maipaadmit ito at matulungan ng mga professionals. Nag uundergo siya sa therapies at umiinom ng mga gamot upang gumaling. Two weeks na siya dito pero hindi pa din siya gumagaling. Na
