"Ikaw lang mag isa diyan? Wala ang father mo?" tanong niya at hindi sinagot ang aking sinabi. Nakatingin lamang siya sa bahay namin na madilim ang loob.
Nakaramdam na naman tuloy ako ng kalungkutan.
"Yeah. Hindi ko alam kung kailan uuwi si Dada. Si Hervi naman ay next 2 weeks pa babalik. Tanging mga kasambahay lamang ang kasama ko dito the whole summer." hindi ko napigilan ang malungkot na boses ko.
Saglit na kasiyahan lamang pala ang mararanasan ko. Heto at nalulungkot na naman ako.
Naramdaman ko ang kamay ni Taavi na ginugulo ang buhok ko. Tinabig ko nga.
"Can I come tomorrow? Turuan mo ako ng ibang instruments. I'll accompany you."
Tinignan ko siya sa mga mata niya. Puno ng determinasyon at paghanga. Wala akong nababanaag na awa.
"May bayad ang oras ko. Mahal, hindi mo afford."
