From Broken Bride-to-Be to the Heir’s Obsession

Nakatayo si Lalaine sa labas ng pintuan habang nanginginig sa galit ang buo niyang katawan. Mula sa loob ng silid ay malinaw niyang naririnig ang mahahalay na ungol at masakit na tunog na tila paulit-ulit na sumasaksak sa kanyang puso. Iyon ang bridal suite nila ng kanyang fiancé na si Jasper Reyes. Ang silid na ilang buwan niyang pinaglaanan ng oras at pagmamahal. Bawat dekorasyon, bawat kurtina, bawat gamit sa kuwartong iyon ay siya mismo ang pumili nang mabuti. Kahit ang ayos ng mga bulaklak at ilaw ay ilang beses niyang pinag-isipan para maging perpekto ang magiging buhay nilang mag-asawa. Ang kama sa loob ay kakadating lamang kahapon. Bukas na rin ang kanilang kasal. Ngunit ngayong araw, ang lalaking pakakasalan niya ay may ibang babaeng kayakap at kasiping sa mismong kama na dapat sana’y para sa kanilang dalawa lamang. Nagkalat ang mga damit mula sa may pintuan hanggang sa loob ng kuwarto. Hindi rin naisara nang maayos ang pinto kaya may maliit na siwang kung saan kitang-kita ni Lalaine ang dalawang katawan na magkayakap sa kama. Parang biglang nawalan ng hangin ang dibdib niya. “Your fiancé slept with my girlfriend.” Isang malamig at mababang boses ang narinig niya mula sa likuran. Paglingon niya ay nakita niya ang isang matangkad na lalaki. Matalim ang mga mata nito na tila lawin sa gitna ng dilim—malamig, dominante, at may nakakakilabot na awtoridad. Napakurap si Lalaine at unti-unting namula ang kanyang mga mata dahil sa pagpipigil ng luha. “Kung nasasaktan ka… mas doble ang sakit na nararamdaman ko ngayon.” Ang wedding picture nila ni Jasper ay nakasabit pa sa dingding. Naka-book na rin ang venue at handa na ang lahat para sa kasal kinabukasan. Sa lahat ng tao, siya ang pinakanasasaktan ngayon. “L-Lala?!” Sa wakas ay napansin ni Jasper ang presensya niya sa may pintuan. Halatang natataranta itong agad na bumaba mula sa kama. Samantalang ang babae naman ay kalmado lang na hinila ang kumot upang takpan ang sarili. Wala man lang bakas ng kahihiyan sa mukha nito kahit nahuli na silang dalawa. “Lala, makinig ka muna. Kaya kong magpaliwanag!” Mabilis na pinulot ni Jasper ang bedsheet at ibinalot iyon sa katawan bago nagmamadaling lumapit sa kanya. Tinitigan siya ni Lalaine. Ito ang lalaking pinakamamahal niya… ngunit sa sandaling iyon, pakiramdam niya ay isang estranghero na lamang ang nasa harapan niya. Walang pagdadalawang-isip na sinampal niya si Jasper. “Sige,” nanginginig niyang sabi. “M-magpaliwanag ka.” “H-Hindi ko sinasadya… gusto ko lang subukan kung maayos ba talaga ang kama at… hindi ko na napigilan ang sarili ko…” Napatitig si Lalaine sa kanya nang walang makuhang magandang sagot. Kung sinabi sana nitong pinilit siya o nalasing, baka maniwala pa siya. Pero ngayon…. Talagang ang dahilan niya ay gusto lang nitong “subukan” ang kama? “Jasper Reyes…” nanginginig sa galit ang boses niya. “Ginagawa mo ba akong tanga?!” Namula ang mukha ni Jasper at bigla itong sumigaw. “Fine! Oo, nagloko ako! So what? Kasalanan mo rin naman! Ikakasal na tayo pero napakataas at napakalinis mo pa rin! Holding hands lang ang gusto mo, kahit halik ay ayaw mo! Ano tayo, mga high school students? Lalaki ako, may pangangailangan din ako, Lala. Kung ayaw mong galawin kita, edi sa ibang babae ko na lang gagawin!” Nangilid ang luha sa mga mata ni Lalaine. Hindi niya akalaing magiging ganito kakapal ang mukha ni Jasper. Hindi lang ito walang pagsisisi, siya pa talaga ang sinisisi nito. “Kaya kasalanan ko kung bakit ka nag-cheat?” Pakiramdam niya ay sasabog ang dibdib niya sa sobrang sakit at galit. “Syempre kasalanan mo!” matapang na sagot ni Jasper. “Kung hinayaan mo sana akong galawin ka noon pa, hindi na sana ako hahanap ng iba!” Makalipas ang ilang segundo ay lumambot ang tono nito at pilit siyang sinuyo. “Lala… i-ikakasal na tayo bukas. Kalimutan na lang natin ’to, okay? Ayaw mo namang mag-alala si Grandma mo, ’di ba? Excited na excited siya sa kasal natin. Kapag kinansela mo ’to sa huling minuto, siguradong masasaktan siya.” Tahimik na yumuko si Lalaine bago muling tumingin dito nang namumula ang mga mata. “Tama ka,” mahina niyang sabi. “Ayokong mag-alala si Grandma… kaya hindi puwedeng matuloy ang pagkansela ng kasal.” Agad na lumitaw ang mayabang na ngiti sa mukha ni Jasper. Alam niyang madaling manipulahin ang babaeng tulad ni Lalaine. Pero sa sumunod na segundo, biglang may sumingit: “I’ll marry you.” Biglang nagsalita ang lalaking nasa likuran niya. Nanlaki ang mga mata ni Lalaine sa gulat at mabilis itong napalingon. Napakaguwapo ng lalaki. Matangos ang ilong, matalim ang panga, at perpekto ang bawat anggulo ng mukha nito. Bukod pa roon ay may natural itong dignidad at malamig na presensya na imposibleng balewalain. “Nagbibiro ka ba?” hindi makapaniwalang tanong niya. “Whether it’s a joke or not, you'll find out once you marry me.” Mahigpit nitong hinawakan ang kamay niya. “Ano’ng ginagawa mo?! Babae ko siya! Bitawan mo nga siya!” Galit na galit na sumugod si Jasper upang paghiwalayin sila. Ngunit isang simpleng tulak lamang ng lalaki ay napaatras kaagad si Jasper. Pagkatapos ay malamig nitong sinulyapan ang babaeng nasa kama bago tuluyang hinila si Lalaine palabas ng silid. Makalipas ang isang oras, huminto ang sasakyan sa harap ng isang villa. “Do you have your ID card with you?” tanong ng lalaki. “Oo… lagi ko itong dala,” sagot ni Lalaine. “Good habits.” Pagkasabi noon ay nagpatuloy itong maglakad papasok sa loob. Kasukdulan ng tag-init sa Pinas ngayon at kakaibang init at lagkit ng panahon. Pagkababa pa lamang ni Lalaine ng sasakyan ay pinagpapawisan na agad ang noo niya. Namumula rin ang kanyang mga pisngi kaya lalo pang luminaw at kumislap ang kanyang mga mata. Mahigpit siyang hawak ng lalaki sa kamay. Malaki at matatag ang palad nito, at may kakaibang init at seguridad na naibibigay sa kanya. Ngunit sa kabila noon ay kinakabahan pa rin siya. Pagkatapos ng mahabang pag-aalinlangan, dahan-dahan niyang binawi ang kamay niya mula rito. Tumingala siya at nagtanong nang nag-aalinlangan. “Talaga bang pakakasalan mo ako?” “Hindi ako mahilig magbiro,” kalmadong sagot nito. “Pero… hindi naman kita kilala. Wala akong alam tungkol sa’yo, at sigurado akong wala ka ring alam tungkol sa akin. Hindi ba masyadong padalos-dalos ang pagpapakasal natin?” Kanina lang niya iyon sinabi dahil sa galit kay Jasper. Ngunit ngayong medyo kalmado na siya, saka niya naisip kung gaano ito kaimposible. “I’m Darron Valderrama.” Pagpapakilala nito bago siya direktang tiningnan. “For tomorrow’s civil wedding, between me and that cheater, which one do you choose?” Napakagat-labi si Lalaine. Sa totoo lang, wala siyang gustong piliin sa kanilang dalawa. Ngunit ngayon ay alam niyang imposible iyon. Hindi puwedeng makansela ang kasal bukas dahil siguradong mag-aalala ang kanyang lola. Nang maalala niya ang pagtataksil ni Jasper ay muling sumikip ang lalamunan niya. “I-I choose you.” Hindi na mahalaga kung ano ang mangyayari sa hinaharap. Ang gusto lang niya ngayon ay malampasan ang pinakamahirap na araw ng buhay niya. Bagama’t parang pamilyar sa kanya ang pangalang “Darron Valderrama,” na tila narinig na niya noon. Pero wala na siyang oras para isipin pa iyon ngayon. Bukod pa roon, wala na siyang ibang mas maayos na mapagpipilian sa maikling oras. Napaka-elegante at guwapo ng lalaking ito, samantalang siya naman ay ordinaryong babae lamang na may simpleng magandang mukha. Kaya wala itong dahilan para lokohin siya. Pagkatapos maibalik sa kanya ng lalaki ang kanyang ID, mabilis niyang pinirmahan ang dalawang kopya ng marriage contract na inilapag nito sa kanyang harapan. Ngunit pagkalabas pa lamang nila ng villa, agad na kinuha ni Darron ang hawak niyang isang kopya ng marriage contract. “Ako na ang magtatago n’yan!” reklamo ni Lalaine habang inaabot iyon. “I’ll keep it.” Matigas at walang puwang sa pagtutol ang boses ng lalaki. Napasimangot na lamang si Lalaine at hindi na nakipagtalo pa. “Uhm… tungkol pala sa kasal natin bukas…” “You don’t have to worry—I’ll inform you. I’ll handle everything,” mabilis na tugon nito. “O-Okay…” Masunurin siyang tumango. “My driver will take you home,” may awtoridad na sabi nito. Hindi niya namalayang may isa pang sasakyang huminto sa gilid, at agad bumaba ang driver upang pagbuksan siya ng pinto. Gusto sana niyang tanungin si Darron kung saan ito pupunta at ano ang plano nito, ngunit sa huli ay pinili niyang manahimik. Kahit may kasunduan na sila ngayon sa papel, hindi pa rin naman sila tunay na magkakilala. At pakiramdam niya, hindi pa tamang magtanong ng sobra. Pagkasakay niya sa sasakyan at maibigay ang address nila, saka lamang siya napabuntong-hininga. Paano niya kaya sasabihin sa pamilya niya ang buong nangyari? Na nagpalit siya ng groom isang araw bago ang kasal. Marahil, siya na ang pinakaunang babaeng gumawa n’on sa buong siyudad.