Halos sumabog na ang ulo niya sa kanilang walang katapusang pagtatalo.
Agad namang natahimik ang dalawa.
Huminga muna si Darron nang malalim bago muling nagsalita: “Mukhang ayaw mo pa rin tumawag ng pulis. Ibig sabihin, ayaw mo ring lumaki pa ang gulong ito. Kung handa kang makipag-areglo, babayaran ko ang lahat ng naging pinsala sa bisikleta mo sa totoo nitong halaga. Kung may iba ka pang makatwirang hinihinging kabayaran, pag-usapan na lang natin.”
Umiling ang binata. “Hindi ko kailangan ng pera. Ang gusto ko lang ay humingi siya ng tawad. Yung sincere! Siya ang bumangga sa akin, tapos siya pa ang walang pakialam at ni hindi man lang marunong magsabi ng ‘sorry.’”
Napalingon si Darron kay Martina. “Narinig mo? Humingi ka ng tawad.”
Nanlaki ang mga mata ni Martina. Namula ang kanyang
