“Lala, bakit hindi mo sinabi agad sa akin na sobrang guwapo pala ng asawa mo?”
Sa wakas ay nakahanap din si Ice ng pagkakataong makausap nang maayos si Lalaine. Agad niya itong hinila sa tabi at kunwaring nagreklamo habang nakanguso.
Agad namang namula si Lalaine.
“H-hindi naman…” mahina niyang sabi. “Ordinaryo lang naman itsura niya.”
Halos mapatalon si Ice sa gulat.
“Ordinaryo?!” malakas nitong bulalas. “Lala, kahit ilagay mo iyang mukha niya sa entertainment industry, siguradong papasa siyang artista!”
Napahawak pa siya sa noo niya. “May misunderstanding ka yata sa ibig sabihin ng ‘ordinaryo.’”
Napayuko si Lalaine habang unti-unting ngumiti.
Syempre alam niyang guwapo si Darron. Pero ngayong naririnig niyang todo puri ang ibang tao rito, hindi niya mapigilang sumaya nang sobra.
