“Mauna na kami. Ihahatid ko na siya pabalik sa dorm niya.”
Halos mataranta si Brent nang marinig niyang walang tigil sa pagrereklamo si Ice tungkol sa apo ng chairman. Kung ano-anong masasakit na salita na ang lumalabas sa bibig nito.
Dahil alam niyang ang mismong taong minumura nito ay nakaupo lamang sa kabilang mesa, mabilis niyang tinakpan ang bibig ni Ice.
“Tumigil ka na!” Pagkatapos ay alanganing ngumiti siya kay Darron. “Pasensya na, Mr. Valderrama.”
Bahagyang ngumiti si Darron. “Ayos lang. Iyan lang pala ang problema niya. Hindi naman iyon malaking bagay. Aprubahan mo na lang ang reimbursement niya para tumigil na siya sa pagrereklamo.”
Agad namang hinila ni Lalaine ang manggas ni Darron. “Honey, huwag kang magsalita ng ganyan. Baka mapahiya si Supervisor.”
Hindi na nagsalita
