Chapter 11
Madaling araw nang nakauwi si Lourd at pasuray-suray na itong bumaba ng sasakyan dahil sa kalasingan. Gamit ang sariling susi ay nakapasok siya sa loob ng bahay.
Diretso siya sa kuwarto na ilang beses pang nagkatumba-tumba at hindi man lang nag-abalang magbukas ng ilaw. Pasalampak siyang nahiga sa kama. Buti na lang ay hindi nadaganan ang nahihimbing nang si Monina.
Naalimpungatan ni Monina na parang may nakadagan sa kanya na isang mabigat na bagay. Painot-inot siyang bumangon sa higaan at nagulat nang maaninag si Lourd sa kanyang tabi. Sinuri niya ang itsura nito at napagtanto niyang nakainom pala ito. Nakatulog itong nakasapatos pa. Inayos niya ito sa pagkakahiga at tinanggalan ng kasuotan, pagkatapos ay lumabas na sa kuwarto nito at tinungo ang kuwarto ni Angel kung saan
