Chapter 8
Dahil masiyado pang maaga ay tumulong muna siya sa paglilinis kay Darlene. Nasa meeting din kasi si Lourd.
“Ano'ng oras pala kayo uuwi?” tanong ni Darlene. Nasa second floor sila ng hotel kung saan naroroon ang mga bedsheets na kukunin nila at dadalhin sa kabilang bahagi ng hotel kung saan naka check-in ang iba pang mga Zaire.
“Hindi ko rin alam. Nasa meeting pa si sir at mukhang matatagalan pa,” aniya.
“Wala bang asawa si Sir Lourd?” usisa nito.
“Meron at isang anak. Si Angel,” tugon niya.
“Nasaan pala ang asawa niya ngayon, hiwalay na ba?”
“Iyon ang sabi sa akin ng katulong niya sa bahay si Manang Mila. 'Yung anak niya namang si Angel ay minsan ko nang nakilala at nakagaanan ng loob. Kaso naroon siya ngayon sa lola niya,” mahaba niyang paliwanag dito. Nag-umpisa na silan
